میری پروفیشنل زندگی نیٹ پر

جی تو اللہ بھلا کرے اس نیٹ کا ، جسے استعمال کرتے ہوئے تقریباً مجھے دس سال ہو گئے ہیں، یہ خیال مجھے شعیب صفدر جی سے ہونے والی گفتگو جو تھوڑی دیر پہلے ہوئی میں آیا، چنانچہ یہ بھی پتہ چلا کہ اس سے پہلے میں صرف انٹرنیٹ پر پڑھتا اور سنتا رہا ہوں، صرف ۲۰۰۷ سے ابھی بلاگ پر طبع آزمائی شروع کی۔ بہر حال اچھا خاصہ وقت ملا مجھے انٹرنیٹ پر کچھ پڑھنے پڑھانے کو، لیکن افسوس کچھ لکھ نہ پایا، چنانچہ، اب میں نے زاتی مشاہدات کو اس بلاگ میں قلمبند کرنا شروع کیا ہے، لیکن یہ بھی احتمال ہے کہ یہاں دال گلانا بہت ہی دقت آمیز ہے، کیونکہ انگریزی کی اس نگری میں اردو کو منوانا کافی مشکل ہے۔ لیکن دیکھتے ہیں کہ کیا بنتا ہے، اور کتنا دم ہے ہم میں!۔
اس کے ساتھ ساتھ اب میں نے اپنا پروفیشنل اور تعلیمی بلاگ بھی لکھنا شروع کر دیا، بلکہ یوں کہییے کہ وہ بلاگ تو میں نے پہلے لکھنا شروع کیا تھا، لیکن لت ابھی پڑی ہے۔ :)۔
تو اگر کسی کو حیوانات سے متعلق میرے تجربات سے شغف ہو تو وہ اس لنک پر میرا بلاگ ملاحظہ کر سکتا ہے۔ انگریزی میں بلاگ لکھنا نسبتاً آسان ہے، کیونکہ سارے کا سارا کمپیوٹر ہی اس کے حق میںنعرے لگا رہا ہوتا ہے اور خاص طور پر میری نوٹ بک، کیونکہ اس کا پراسیسر کسی تھریشر سے کم آوازیں نہیں نکالتا، :)۔

-000-

اس تحریر کو شئیر کریں
صلہ عمر سوشل میڈیا
صلہ عمر پر دوسری تحاریر