ایٹی وان کا پلتہ

ایٹی وان کا نام تو سنا ہی ہو گا؟ اگر نہیں تو پھر ایٹی ون یا خواب آور گولیوں سے تو بخوبی واقف ہوں گے ہی آپ بھائی، بزرگ، دوست۔ ہمارے ہاں یہ علاج سے ذیادہ نشہ چڑھانے کو استعمال کی جاتی ہیں۔ نیند نہیں آتی، پریشانی ہو یا پھر گھریلو جھگڑا، ایٹی ون کو ہی مسیحا سمجھا جاتا ہے۔
میرے دفتر کے ڈرائیور کا خیال ہے کہ ایٹی وان گولیوں کے بغیر شاید ایک کلومیٹر بھی گاڑی چلانا اس کے لیے ممکن نہیں ہو گا۔ اس نے ایٹی وان کو ہمیشہ ہی سے افہیم کا بہترین نعم البدل پایا ہے، مذید یہ کہ اگر ایٹی وان ایجاد نہ ہوئی ہوتی تو شاید وہ پوڈر کی لت میں مبتلا ہو کر مر کھپ چکتا!۔
آج صبح ہی صبح، دفتر جاتے ہوئے راستے میں جب ایک گاڑی والا گولی کی رفتار سے، ٹریفک قوانین کی ماں بہن ایک کرتے ہوئے ہمارے اوسان خطا کر گیا تو، بے چینی سے ڈرائیور نے کھڑکی سے سر باہر نکالتے ہی دو چار ماں بہن کی گالیاں دے کر پکارا،
"ابے او ایٹی ون کے پلتے، آج افہیم کھا کر آیا ہے کیا؟"۔
صاحبو!۔ ہر روز کے حالات، چخ چخ، دھماکوں، خبروں، تبصروں اور گھٹیا بیانات سے تنگ آگیا ہوں، ایٹی وان کا پلتہ بن جانا چاہتا ہوں!۔

-000-

اس تحریر کو شئیر کریں
صلہ عمر سوشل میڈیا
صلہ عمر پر دوسری تحاریر